டிமான்ட்டி காலனி 2

பேய் பங்களாவாகக் கருதப்படும் டிமான்ட்டி காலனி பங்களா உள்ளே சென்று சங்கிலி எடுக்க முயன்று அதனால், ஏற்படும் விளைவுகளே டிமான்ட்டி காலனி.

இரண்டாம் பாகத்தில் குறிப்பிட்ட புத்தகம் படித்ததால் இறந்து விடுகிறார்கள். பாதிக்கப்பட்ட நபரின் மனைவியாக ப்ரியா பவானி ஷங்கர்.

முதல் பாகத்தில் இறந்ததாகக் காட்டப்படும் அருள்நிதிக்கு சகோதரராக இன்னொரு பணக்கார அருள்நிதி இக்கதையில் வருகிறார்.

இருவரும் எதனால் பாதிப்படைகிறார்கள்? இதில் ப்ரியா எப்படி வந்தார்? சங்கிலி என்ன ஆனது? என்பதே இரண்டாம் பாகம்.

முதல் பாகம் போல எளிமையான நேர் கோட்டுக்கதையாக இல்லாமல் பல்வேறு கிளைக்கதைகள், கதாபாத்திரங்கள், விளக்கங்கள் உள்ளது.

சிலருக்கு இவற்றைப் புரிந்து கொள்வதில் குழப்பம் இருக்கலாம்.

சிலர் பாகங்களைத் திட்டமிட்டு துவக்கத்திலேயே திரைக்கதை அமைப்பார்கள். சிலர் படம் வெற்றி பெற்றதால், இரண்டாம் பாகத்தை எடுப்பார்கள்.

டிமான்ட்டி காலனி இரண்டாம் வகை.

முதல் பாகத்தின் தொடர்போடு திரைக்கதை அமைத்தாலும் பல விளக்கங்கள், காட்சிகளை அதை ஈடுகட்ட வைக்க வேண்டியதாகி விடுகிறது.

ஆனாலும், இரண்டாம் பாக தொடர்ச்சிக்கு நியாயம் செய்துள்ளார்கள்.

Issai Saral 2025